Weekly Horoscopes 22nd January : ఈవారం రాశి ఫలితాలు

Weekly Horoscopes 22nd January 29th January : జనవరి 22 నుంచి జనవరి 29 వరకు 12 రాశులకు చెందిన జాతక ఫలితాలను పరిశీలిస్తే ఈ కింది విధంగా ఉన్నాయి. 

మేష రాశి (Aries Weekly Horoscopes) : మేష రాశి వారికి ఈవారం ఏ కార్యక్రమం చేపట్టినా అనుకోని అవాంతరాలు. శ్రమ కొన్ని వ్యవహారాల్లో వృథా అవుతుంది. ఉద్యోగ, విద్యా ప్రయత్నాల్లోనూ ఆటంకాలు. ప్రత్యర్థుల నుంచి ఒత్తిడులు. ఆలోచనలు నిలకడగా ఉండవు. ఆలయాలను సందర్శిస్తారు. అవసరాలకు తగినట్లుగా సొమ్ము అందదు. రుణ బాధలు పెరుగుతాయి. ఖర్చులపై అదుపు ఉంచుకోవడం అవసరం. వ్యాపారాలకు నిరాశాజకం. పెట్టుబడుల్లో తొందరపాటు నిర్ణయాలు తీసుకోవద్దు. ఉద్యోగులకు మార్పులు ఉండకపోవచ్చు, అదనపు పనిభారం. రాజకీయవేత్తలు, కళాకారులకు గందరగోళ పరిస్థితులు. మహిళలకు చికాకులు. మేష రాశి జాతకులు సుబ్రహ్మణ్యాష్టకం పఠించడం శ్రేయస్కరం. 

వృషభ రాశి (Taurus Weekly Horoscopes) : వృషభ రాశి వారికి ఈవారం నూతనోత్సాహంతో కొన్ని పనులు పూర్తి చేస్తారు. సన్నిహితుల సలహాలు, సూచనలను పాటిస్తారు. మిత్రులతో కష్టసుఖాలు పంచుకుంటారు. కొన్ని నిర్ణయాలు మిత్రులను ఆకట్టుకుంటాయి. ఆలయాలను సందర్శిస్తారు. అవసరానికి ధనం అందుతుంది. గతంలో పెట్టిన పెట్టుబడులు లాభాలు తెచ్చిపెడుతాయి. సోదరవర్గంతో ఆస్తి తగాదాలు పరిష్కారమవుతాయి. వ్యాపారాలకు లాభాలు. ఉద్యోగాలకు అదనపు బాధ్యతలు. రాజకీయ, కళాకార రంగాల వారికి ఆశాజనకం. మహిళలకు స్వల్ప వివాదాలు. వృషభ రాశి జాతకులు హనుమాన్ స్తోత్రాలు పఠించడం శ్రేయస్కరం.

మిథున రాశి (Gemini Weekly Horoscopes) : మిథున రాశి వారికి ఈవారం రావాల్సిన సొమ్ము సకాలంలో అందుతుంది. కొత్త కార్యక్రమాలు చేపడుతారు. కష్టానికి తగిన ఫలితం దక్కుతుంది. ఇతరులకు సాయం చేస్తారు. మీలోని ప్రతిభ మరింత గుర్తింపు దక్కుతుంది. ఆలయాలను సందర్శిస్తారు. వస్తు లాభాలు కలుగుతాయి. దీర్ఘకాలిక రుణ బాధలు తీరుతాయి. కొన్ని పొదుపు పథకాల్లో పెట్టుబడులు పెడుతారు. సోదరవర్గంతో విభేదాలు తీరతాయి. శుభకార్యాల్లో పాల్గొంటారు. వ్యాపారాలలో భాగస్వాములతో తిరిగి ఒప్పందాలు చేసుకుంటారు. ఉద్యోగులు కొత్త బాధ్యతలు చేపట్టే అవకాశముంది. పారిశ్రామిక, కళారంగాల వారికి నూతన అవకాశాలు. మహిళలు ఉత్సాహంగా గడుపుతారు.మిథున రాశి జాతకులు గణేశాష్టకం పఠించడం శ్రేయస్కరం. 

కర్కాటక రాశి (Cancer Weekly Horoscopes) : కర్కాటక రాశి వారికి ఈవారం ఉల్లాసంగా గడుస్తుంది. ఇతరుల సాయం లేకుండానే కార్యక్రమాలను పూర్తి చేస్తారు. ప్రముఖులతో పరిచయం ఉత్సాహాన్నిస్తుంది. ఊహించని శుభవార్తలు వింటారు. ఆలయాలను సందర్శిస్తారు. పరిచయాలు పెరుగుతాయి. కాంట్రాక్టులు దక్కించుకుంటారు. ఆశించిన డబ్బు సమకూరుతుంది. బంధువుల ఆదరణ పెరుగుతుంది. వ్యాపారాలకు లాభాలు ఉంటాయి. విస్తరణ యత్నాలు చేస్తారు. ఉద్యోగాలకు అదనపు బాధ్యతలు. పారిశ్రామిక రంగాల వారికి పురోగతి. మహిళలు ఉల్లాసంగా గడుపుతారు. కర్కాటక రాశి జాతకులు విష్ణు సహస్రనామ పారాయణం చేయడం శ్రేయస్కరం. 

నూతన సంవత్సరంలో ఈ నాలుగు రాశుల వారికి శుభయోగాలు

సింహ రాశి (Leo Weekly Horoscopes) : సింహ రాశి వారికి ఈవారం అనుకూలంగా ఉండనుంది. ఎలాంటి సమస్యనైనా పరిష్కరించుకోగలుగుతారు. మిత్రులతో కీలక విషయాలు చర్చిస్తారు. వాహనాలు, గృహం కొనుగోలు చేసే అవకాశముంది. ప్రముఖులతో పరిచయాలు ఏర్పడతాయి. ఆలయాలను సందర్శిస్తారు. నిరుద్యోగుల శ్రమ తగిన ఫలితం దక్కుతుంది. వ్యతిరేకులు అనుకూలంగా మారుతారు. సకాలంలో డబ్బు చేకూరుతుంది. పొదుపు మార్గాల్లో పెట్టుబడులు పెడతారు. సోదరవర్గంతో కుటుంబ విషయాలపై చర్చిస్తారు. సంతానం, ఉద్యోగాల విషయంలో శుభవార్తలు వింటారు.  వ్యాపారాలకు ఆశాజనకం. ఉద్యోగాలకు ప్రశంసలు దక్కుతాయి. నైపుణ్యత వెలుగులోకి వస్తుంది. రాజకీయ, కళారంగాల వారికి నూతన అవకాశాలు లభిస్తాయి. మహిళలకు అనుకూల సమయం. సింహ రాశి జాతకులు శివాష్టకం పఠించడం శ్రేయస్కరం. 

కన్య రాశి (Virgo Weekly Horoscopes) : కన్య రాశి వారికి ఈవారం భవిష్యత్తు ప్రణాళిక రూపొందించుకొని ముందుకెళుతారు. జీవిత లక్ష్యం నెరవేరే సమయం. ఆలయాలను సందర్శిస్తారు. యుక్తితో ఆస్తి వివాదాలు పరిష్కరించుకుంటారు. సమాజంలో గౌరవం లభిస్తుంది. విద్యార్థులు అనుకున్న లక్ష్యాలు సాధిస్తారు. అప్పులు కొంతమేర తీరతాయి. ఖర్చులు అదుపు చేసుకుని పొదుపు పాటిస్తారు. భార్యాభర్తల మధ్య దీర్ఘకాలిక వివాదాలు పరిష్కారమవుతాయి. వ్యాపారాలకు లాభ సూచనలు. ఉద్యోగులకు ఒత్తిడి తగ్గుతుంది. పారిశ్రామిక, కళారంగాల వారికి నూతన అవకాశాలు దక్కుతాయి. మహిళలకు మానసికోల్లాసం. కన్యా రాశి జాతకులు శ్రీ రామరక్షా స్తోత్రాలు పఠించడం శ్రేయస్కరం.

తులారాశి (Libra Weekly Horoscopes) : తుల రాశి వారికి ఈ వారం ఆకస్మిక ధనలాభాలు. ఆత్మీయుల నుంచి శుభ సమాచారం. మిత్రులతో సంతోషంగా గడుపుతారు. స్థిరాస్తి ఒప్పందాలతో లబ్ధి పొందుతారు. నిరుద్యోగులకు నూతన ఉపాధి అవకాశాలు. ఆలయాలను సందర్శిస్తారు. సకాలంలో కొంత సొమ్ము అందుకుంటారు. కుటుంబ సభ్యులతో ఆనందంగా గడుపుతారు. పెద్దల సలహాలు పాటిస్తారు. వ్యాపారులకు తగినంత లాభాలు. ఉద్యోగాలకు పనిభారం తగ్గుతుంది. రాజకీయ, కళారంగాల వారికి నూతనోత్తేజం. మహిళలు సంతోషంగా గడుపుతారు. తులా రాశి జాతకులు దక్షిణామూర్తి స్తోత్రాలు పఠించడం శ్రేయస్కరం. 

వృశ్చిక రాశి (Scorpio Weekly Horoscopes) : వృశ్చిక రాశి వారికి ఈ వారం కార్యజయం. మిత్రుల నుంచి ప్రశంసలు అందుకుంటారు. నిరుద్యోగులకు ఉద్యోగ అవకాశాలున్నాయి. ఆత్మవిశ్వాసం, పట్టుదలతో సమస్యలు పరిష్కరించుకుంటారు. ఆలయాలను సందర్శిస్తారు. ఆస్తి కొనుగోలు యత్నాలు అనుకూలిస్తాయి. రావాల్సిన సొమ్ము విడుతల వారీగా అందుతుంది. కుటుంబ పెద్దల ప్రోత్సాహం, సహకారం లభిస్తుంది. శుభ కార్యాల్లో పాల్గొంటారు. సోదరులతో వివాదాలు తీరుతాయి. వ్యాపారాలకు లాభాలు. ఉద్యోగులు సమస్యలు, ఒడిదుడుకుల నుంచి బయట పడుతారు. పారిశ్రామిక, కళా రంగాల వారికి అనుహ్యంగా అవకాశాలు వస్తాయి. మహిళలకు అనుకూల సమయం. వృశ్చిక  రాశి జాతకులు గణపతి స్తోత్రాలు పఠించడం శ్రేయస్కరం. 

ధనస్సు రాశి (Sagittarius Weekly Horoscopes) : ధనుస్సు రాశి వారికి ఈవారం పనులు ఆలస్యమైన పూర్తి చేస్తారు. మిత్రులతో సంతోషంగా గడుపుతారు. నిరుద్యోగులు ఒక ప్రకటన ఊరటనిస్తుంది. వ్యతిరేక పరిస్థితులు సైతం అనుకూలిస్తాయి. సమాజంలో గౌరవ మర్యాదలు దక్కుతాయి. కొత్త కాంట్రాక్టులు దక్కుతాయి. ఆలయాలను సందర్శిస్తారు. ఇంటి నిర్మాణాలపై దృష్టి పెడుతారు. అవసరాలకు డబ్బు సమకూరుతుంది. శ్రమకు తగిన ఫలితం దక్కుతుంది. సోదరులతో కీలక విషయాలు చర్చిస్తారు. వ్యాపారులకు లాభాలు. ఉద్యోగులకు నిరాశాజనకం. అయితే క్రమేపీ పరిస్థితులు మారుతాయి. రాజకీయ, కళా రంగాల వారికి నూతన అవకాశాలు దక్కుతాయి. మహిళలకు మానసిక ప్రశాంతత. ధనస్సు రాశి జాతకులు రాఘవేంద్రస్వామి స్తోత్రాలు పఠించడం శ్రేయస్కరం. 

మకర రాశి (Capricorn Weekly Horoscopes) : మకర రాశి వారికి ఈ వారం నూతన కార్యక్రమాలు చురుగ్గా సాగుతాయి. పరిస్థితులు గతం కంటే మెరుగ్గానే ఉంటాయి. పలుకుబడి పెరుగుతుంది. ఇంటి నిర్మాణాలు కార్యరూపం దాలుస్తాయి. కొన్ని పనులు నెమ్మదిగా సాగినప్పటికీ  వాటిని పూర్తి చేస్తారు. ఆలయాలను సందర్శిస్తారు. ఇంతకాలం ఎదురైన ఇబ్బందులు తొలగిపోతాయి. వాహనాలు, స్థలాలు కొనుగోలు చేస్తారు. ఊహించని రీతిలో ధనలాభం. సోదరీవర్గంతో విభేదాలు తీరుతాయి. వ్యాపారులకు ఆశించిన రీతిలో లాభాలు. ఉద్యోగాలకు కొత్త అవకాశాలు. కొన్ని మార్పులు ఆనందాన్ని కలిగిస్తాయి. రాజకీయ, పారిశ్రామిక రంగాల వారికి అంచనాలు నిజమవుతాయి. మహిళలకు ఆస్తి లాభం. మకర రాశి జాతకులు నవగ్రహ స్తోత్రాలు పఠించడం శ్రేయస్కరం. 

కుంభరాశి (Aquarius Weekly Horoscopes) : కుంభ రాశి వారికి ఈవారం అనుకున్న పనుల్లో విజయం సాధిస్తారు. శ్రేయోభిలాషుల సలహాలు పాటిస్తారు. సంఘంలో పేరుప్రతిష్ఠలు పెరుగుతాయి. నూతన కాంట్రాక్టులు దక్కుతాయి. దూరప్రాంతాల నుంచి కీలక శుభ సమాచారం చేరుతుంది. ఆలయాలను సందర్శిస్తారు. వాహనాలు, ఆభరణాలు కొనుగోలు చేస్తారు. శత్రువులు సైతం మీ పట్ల ఆకర్షితులవుతారు. రుణాలు కొంతమేర తీరుతాయి. ఆస్తుల విక్రయాలతో కొంత సొమ్ము చేతికి అందుతుంది. సోదరులతో వివాదాలు సర్దుకుంటాయి. సంతానపరంగా శుభ సమాచారం. వ్యాపారాలకు లాభ సూచనలు. ఉద్యోగాలలో పదోన్నతి అవకాశం. రాజకీయ, కళా రంగాల వారికి నూతన అవకాశాలు. మహిళలకు ఆస్తిలాభం. కుంభ రాశి జాతకులు హనుమాన్‌ ఛాలీసా పఠించడం శ్రేయస్కరం.

మీనరాశి (Pisces Weekly Horoscopes) : మీన రాశి వారికి ఈ వారం ఆలోచనలు కలిసి వస్తాయి. ఆప్తుల నుంచి శుభ సమాచారం అందుతుంది.  మిత్రులతో ఉల్లాసంగా గడుపుతారు. ఆస్తుల వ్యవహారాలలో వివాదాలు తొలగుతాయి. పలుకుబడి పెరుగుతుంది. ప్రత్యర్థులతో కొన్ని విషయాల్లో రాజీపడతారు.  కొత్త కాంట్రాక్టులు దక్కుతాయి. ఆర్థికస్థితి మరింత మెరుగుపడుతుంది. రుణ బాధలు తీరుతాయి. సోదరవర్గంతో విబేధాలు తొలగిపోతాయి. వ్యాపారులకు లాభాలు. నూతన పెట్టుబడులకు అవకాశం. ఉద్యోగులకు పని భారం తగ్గుతుంది. పారిశ్రామిక, రాజకీయ రంగాల వారికి ఆశాజనకం. మహిళలకు శుభ సమాచారం అందుతుంది. మీనరాశి జాతకులు కనకధారా స్తోత్రాలు పఠించడం శ్రేయస్కరం. 

Read more : 700 ఏళ్ళ తర్వాత రాజయోగం వరించేది ఈ జాతకులకేనా

Keywords : Astrology in Telugu, Telugu Astrology, Astrology Telugu, Numerology, Daily Horoscopes, Weekly Horoscopes, Weekly Horoscopes in Telugu, Horoscope Daily, రాశి ఫలితాలు, తెలుగు జాతకం.